ВМРО-ДПМНЕ: Отворено се сомневаме дали Арсовска е деловно способна да го води градот, таа е обичен пиун во рацете на Ковачевски за остварување на криминалните интереси

Арсовска и Тачела коалицијата прво народот го нарекоа багра, а сега измислува непостоечки работи и разговори кои не се случиле. Отворено се сомневаме дали Арсовска е деловно способна да го води градот и институциите под нејзина ингеренција. Данела Арсовска очигледно има потреба од поинаква помош. Зборува за работи и ситуации кои никогаш не се случиле во реалноста, реагираат од ВМРО-ДПМНЕ.

-Сериозно сме загрижени за градоначалничката и ја повикуваме да достави документ со кој ќе се потврди деловната способност. Освен со Ковачевски, и Стевчо Јакимовско, нема човек со кој не се скара. Нејзиното однесување е неурамнотежено, и станува кралица на лагата. Не само што не се огради од изјавата на заменик градоначалникот Александар Трајановски, дека превозниците што протестираат се багра, со што ја прифати како своја. Туку вчера отиде и чекор понатаму и очигледно раскажуваше ситуации кои само таа може да ги види и никогаш не се случиле. И додека зборува за некој имагинарен свет во реалноста градот го однесе во банкрот. Нема пари за превозниците, доцнат плати, претпријатијата се во долгови, велат од партијата.

ВМРО-ДПМНЕ обвинува таа е обичиен пиун за криминалните интереси на Ковачевски.

-А додека градот тоне во банкрот Арсовска и луѓе околу неа се богатат. Не знаеме дали Арсовска глуми лудило, или не но таа повеќе за градоначалник не е. Оставка веднаш, се наведува во партиското соопштение.