ФИФА одлучи на мечот помеѓу Катар – Швајцарија да нема херој, туку само трагичар

Катар постигна голем бод против Швајцарија во 94-тата минута, а два часа по натпреварот, ФИФА направи промена и голот во судиското продолжение беше прогласен за автогол од швајцарскиот дефанзивец Миро Мухајм.

Буалеми Куки го прослави голот од 1-1 во судиското продолжение против Швајцарија. Апсолутно сите мислеа дека тој го постигна историскиот гол за Катар што им го донесе првиот бод на Светското првенство.

Сепак, два часа по натпреварот, ФИФА направи промена. Прегледот на снимката утврди дека станува збор за автогол. Несреќникот е Миро Мухајм. По центаршут од лево, тој беше оној што си го постигна автоголот.

За да биде уште полошо, овој дефанзивец од германскиот ХСВ влезе во игра во 89-тата минута наместо Рикардо Родригез.