Снимена рекордна молња долга 829 километри
Светската метеоролошка организација (WMO) прогласи нов светски рекорд за најдолг блесок на молња – неверојатни 829 км во озлогласено жариште на невремиња во Соединетите Американски Држави.
Мегаблесокот се случил во октомври 2017 година, за време на голем комплекс на грмотевици. Се протегал од источен Тексас до Канзас Сити – еквивалентно на растојанието помеѓу Париз и Венеција во Европа. На автомобил би му биле потребни околу осум до девет часа, а на комерцијален авион најмалку 90 минути за да го помине тоа растојание.
„Молњата е извор на чудење, но исто така и голема опасност што одзема многу животи низ целиот свет секоја година и затоа е еден од приоритетите на меѓународната иницијатива Early Warnings for All. Овие нови наоди истакнуваат важни точки на загриженост за јавната безбедност во врска со електрифицираните облаци кои може да создадат блесоци кои патуваат на екстремно големи растојанија и имаат големо влијание врз воздухопловниот сектор и можат да предизвикаат пожари“, рече генералниот секретар на WMO, Селест Сауло.
Комитетот за временски и климатски екстреми на WMO, кој води официјални евиденции за глобални, хемисферски и регионални екстреми, го призна новиот рекорд со помош на најновите сателитски технологии. Наодите беа објавени во Билтенот на Американското метеоролошко друштво.
The WMO has established a new world record for the longest lightning flash – an incredible 829 km (515 miles) in a notorious storm hotspot in the United States of America. Details: https://t.co/Wxw5ykNW39 pic.twitter.com/lwGQ34TqMH
— World Meteorological Organization (@WMO) July 31, 2025
Новиот рекорд од 829 км го надмина предходниот потврден рекорд 768 км, регистриран на 29 април 2020 година.
И претходниот и новиот рекорд користеа иста методологија за максимално растојание од голем круг за мерење на обемот на блесокот. Настанот од 2017 година е значаен по тоа што беше една од првите бури каде што најновиот геостационарен оперативен еколошки сателит на NOAA (GOES-16) документира „мегаблесоци“ на молњи – настани на молњи со екстремно долго траење/растојание.
Овој посебен блесок не беше идентификуван во оригиналната анализа на бурата од 2017 година, туку беше откриен преку повторно испитување на грмотевиците.
Архивата на WMO за временски и климатски екстреми одржува официјални записи за светските, хемисферските и регионалните екстремни записи поврзани со голем број специфични видови на време. Во моментов, Архивата ги наведува екстремите за температура, притисок, врнежи од дожд, град, ветер и молњи, како и два специфични вида бури, торнада и тропски циклони.