Украинската амбасадорка во САД Оксана Маркарова изјави дека украинскиот претседател Володимир Зеленски „дефинитивно нема“ да биде дел од делегацијата што ќе присуствува на разговорите со Русија, велејќи дека Зеленски е во Украина и ја брани земјата.
Маркарова го повика рускиот претседател да ја прекине војната и порача дека Украина ќе испрати луѓе на разговорите. Таа додаде дека Украина е секогаш подготвена за разговори, „но ние не сме подготвени да се предадеме. И ќе ја браниме нашата земја и ќе победиме“.
На прашањето дали мисли дека Русија е со искрени намери во пронудувањето на ова маслиново гранче, Маркарова рече: „Во тек е целосна војна со воените злосторства што Русите ги спроведуваат секојдневно во Украина. Значи, колку е вистински овој предлог? Не знаеме“.
За Путин да ги стави силите за одвраќање, вклучително и нуклеарното оружје, во состојба на висока готовност, Маркарова рече: „Ова е уште еден пример за терористичко однесување на Русија. Тие ја нападнаа нашата земја. Тие ги плашат сите“.