Американските власти под претседателот Jo Бајден не го ублажија својот став кон основачот на Викиликс. Во среда се одржува прелиминарно сослушување на жалбата против одлуката на Обединетото Кралство да не го екстрадира Асанж, кој останува во притвор.
Асанж не е слободен човек 11 години: тоа е 4000 дена и ноќи. Тој ги прослави своите последни три родендени во лондонскиот затвор Белмарш, кој честопати се нарекува „британски Гвантанамо“ заради неговите тешки услови.
Сите апликации за кауција или ослободување во домашен притвор се одбиени. Значи, австралискиот новинар и активист останува затворен, бидејќи ја чека одлуката дали Велика Британија ќе дозволи или не негова екстрадиција.
Во САД, тој се соочува со вкупна казна до 175 години затвор во врска со повеќекратни обвиненија за шпионажа, како што се објавување чувствителни воени документи за американски операции во Авганистан и Ирак – вклучително и наводни воени злосторства, за кои се уште никој не бил суден.