Во шумските пожари кои беснеат во Лос Анџелес загинаа најмалку пет лица, уништени се стотици домови, а ресурсите за гаснење пожари и снабдувањето со вода се исцрпуваат до последни граници, додека на повеќе од 100.000 луѓе им беше наредено да се евакуираат. Пожарот ги зафати и познатите Холивуд Хилс.
– Бројот на загинати во шумските пожари што беснеат околу Лос Анџелес се искачи на најмалку пет и може да биде поголем – изјави шерифот на округот Лос Анџелес Роберт Луна.
Силните ветрови ги отежнуваат операциите за гаснење пожари и ги разгоруваат пожарите кои неконтролирано горат откако избувнаа.
– Се соочуваме со историска природна катастрофа. И мислам дека тоа не може да се нагласи доволно силно, рече Кевин Мекгован, директор за управување со итни случаи за округот Лос Анџелес.
Холивудските ѕвезди останаа без покрив над главата
Бројни познати личности проговорија за пожарите кои зафатија делови од Лос Анџелес и ги зафатија нивните домови. Актерот Били Кристал и неговата сопруга Џенис изјавија дека ја изгубиле куќата во соседството.
Во пожарот домот го загуби и американската актерка и пејачка Парис Хилтон. Нејзиниот претставник потврди дека нејзината куќа е уништена.
Синот на актерската двојка Том Хенкс и Рита Вилсон, Чет Хенкс, на Инстаграм напиша дека населбата во која пораснал гори до темел.
Цели блокови во Пасадена
A friend who lives in Pacific Palisades sent me these horrific videos of the fire.
He just evacuated and said traffic was so bad people abandoned their cars. pic.twitter.com/mbOjz8QAf9
— Jon Michael Raasch (@JMRaasch) January 7, 2025
овеќе куќи горат втора ноќ по ред во Пацифик Палисадес, бидејќи пожарникарите признаваат дека немаат доволно вода за да се борат со пламените јазици.
Ветерот е силен над океанот, а пламенот и искри се издигнуваат високо до ноќното небо.
-Моравме да се евакуираме. Не можевме повеќе да дишеме, изјави Тони Еспиноза за филијалата на CNN, KSNV.
Пожар им се заканува на симболите на Холивуд, гори во близина на знакот Холивуд
This was a fantastic water drop in the Hollywood Hills Sunset Fire from one of the aerial firefighting planes.
👏👏👏👏👏👏👏👏👏👏 pic.twitter.com/P3YQpdS80H
— Art Candee 🍿🥤 (@ArtCandee) January 9, 2025
Последниот пожар го зафати врвот на познатиот Холивуд Хилс, принудувајќи ги жителите да се евакуираат, а луѓето во близина треба да се подготват да заминат, изјави капетанот на противпожарната служба во Лос Анџелес, Ерик Скот.
Овие ридови се дом на некои од најпознатите симболи на Лос Анџелес – Холивудскиот знак. Во близина е опсерваторијата Грифит, отворена од 1935 година. Меѓу знаменитостите во зоната за евакуација се Холивуд Боул и театарот Долби, кои се наоѓаат во трговски центар.
Патем, Холивуд Хилс е можеби најбараниот поштенски број во светот. Овој кварт е дом на бројни имиња од А-листата на Холивуд како што се Квентин Тарантино и Селма Хајек.
Познат актер загуби куќа во пожар
Актерот и комичар Били Кристал објави дека го загубил својот дом во пожарите во Лос Анџелес.
– Зборовите не можат да ги опишат размерите на уништувањето на кое сме сведоци и кои ги доживуваме. Нашите срца болат за пријателите и соседите кои исто така ги загубија своите домови и бизниси во оваа трагедија, се вели во заедничката изјава на актерот и неговата сопруга Џенис Кристал.
– Џенис и јас живееме во нашиот дом од 1979 година. Овде ги одгледавме децата и внуците… Секако дека сме уништени, но со љубовта на нашите деца и пријатели ќе го пребродиме ова – додаде тој.
Пентагон испраќа војници
– Испраќаме полицајци од ЛАПД во Холивуд за да помогнат во ублажувањето на сообраќајниот метеж за време на евакуацијата. Итно работиме на затворање на патиштата, пренасочување на сообраќајот и овозможување поголема достапност за возилата LAFD да одговорат на пожарот, изјави градоначалничката на Лос Анџелес Карен Бас.
Областа е дом на неколку популарни туристички атракции, вклучувајќи го кинескиот театар TCL и дел од Холивудската патека на славните.
Гувернерот на Калифорнија Кевин Њусом побара помош од федералната влада, а американскиот претседател во заминување Џо Бајден рече дека ќе потпише вонредна декларација за областите загрозени од пожарите.
Пентагон објави дека ќе испрати десет хеликоптери во Калифорнија за да помогнат во гаснењето на пожарите.
„Ситуацијата е хаотична“
Евакуиран жител кој бега од пожар во Холивуд Хилс ја опиша ситуацијата за CNN како хаотична.
„Сообраќајот е блокиран од противпожарни возила, полициски возила и луѓе кои се обидуваат да заминат“, изјави Скот Дил за Си-Ен-Ен.
Дил, кој сега се засолни во куќата на пријател, рече дека тој и неговите соседи почнале да се евакуираат пред да добијат предупредувања на нивните телефони.
Sunset fire pic.twitter.com/hHbICGJ3Ve
— Scott R Dill (@scottrdill) January 9, 2025
Беснеат најмалку 6 одделни пожари
Шест одделни пожари горат во округот Лос Анџелес и сите се надвор од контрола, според државните власти.
На западната страна, пожарот Палисадес проголта 6.406 хектари и 1.000 објекти во ридовите меѓу Санта Моника и Малибу, напредувајќи надолу во кањонот Топанга додека не стигне до природната бариера, Тихиот Океан. Тоа е еден од најразорните пожари во историјата на Лос Анџелес.
Comments are closed, but trackbacks and pingbacks are open.