Во баварскиот град Ашафенбург две лица загинаа, а некои се тешко повредени во напад во паркот „Шонтал„. Според првичните информации, околу 11.45 часот неколку лица биле нападнати со остар предмет.
Полицијата извести дека се повредени тројца возрасни и едно дете, пренесе „Билд“. Набргу потоа стигна потврда дека две лица загинале, а меѓу жртвите, пишува Билд“, има и дете.
Според полицијата, едно лице е уапсено, а нема други осомничени. Засега не е позната заднината на нападот, соопшти полицијата, но не се работи за терористички напад.
Сообраќајот на возовите на јужната станица бил запрен бидејќи осомничениот наводно се обидел да избега преку шините.
Паркот „Шонтал“, кој се простира на девет хектари, е широко ограден. Портпаролот на полицијата изјави дека нема опасност за јавноста. Зачестените патроли на полицајци во паркот би можеле да бидат причината поради која осомничениот беше толку бргу приведен. Ашафенбург се наоѓа во административната област Долна Франконија во Баварија, во близина на државната граница со Хесен.
Messer-Terror in Aschaffenburg! Zwei Tote und mehrere Schwerverletzte +++ Mindestens ein Kind unter den Opfern +++ Polizei im Großeinsatz!https://t.co/jjRjQ4AS7R pic.twitter.com/JrLQGYZccn
— NIUS (@niusde_) January 22, 2025
Comments are closed, but trackbacks and pingbacks are open.