Кикбоксерот Бобан Илиоски е спортист на годината, таеквондистката Милјана Рељиќ во женска конуренција

Министерството за спорт вчеравечер ги додели годишните признанија за најдобрите спортисти во 2024 година, одбележувајќи ја извонредната година во македонскиот спорт. Престижната награда за „Спортист на годината“ ја освои кикбоксерот Бобан Илиоски, додека во женска конкуренција титулата ја понесе таеквондистката Милјана Рељиќ.

Бобан Илиоски, кој неодамна го освои европскиот шампионат во категорија до 86 килограми, ја потврди својата доминација на спортската сцена, освојувајќи ја оваа награда втора година по ред. Со ова признание, тој уште еднаш го зацврсти својот статус како еден од најуспешните македонски спортисти.

„Чувствувам огромна чест и задоволство што повторно ја добив оваа престижна награда. Ова признание ми дава дополнителна мотивација да продолжам да ја претставувам Македонија на најголемите спортски сцени и да ги донесам боите на нашето знаме до нови победи,“ изјави Илиоски при примањето на наградата.

Во женска конкуренција, наградата за „Спортистка на годината“ отиде во рацете на Милјана Рељиќ, која со своите успеси во таеквондо го привлече вниманието на спортската јавност и ја истакна Македонија на меѓународната сцена.

Останати лауреати на манифестацијата „Спортист на годината“ што годинава одбележа 70-годишен јубилеј:
Најуспешен млад спортист: Силвио Мировски (кикбокс)
Најуспешна млада спортистка: Ива Младеновска (ракомет)
Најуспешен женски национален тим: Ракометна репрезентација на Македонија – сениорки
Најуспешен машки национален тим: Ракометна репезентација на Македонија – сениори
Најуспешен тренер/селектор: Кирил Лазаров (ракомет)
Најуспешна национална спортска федерација: Македонска таеквондо федерација
Најуспешен спортист со инвалидитет: Оливера Наковска Бикова (стрелаштво)
Најуспешна спортска екипа од Универзитетите: Машкиот кошаркарски тим на Универзитетот „Св.Кирил и Методиј“ – Скопје
Најуспешен училишен спортски клуб од средните училишта: СОУ „Јане Сандански“ – Струмица
Најуспешен училишен спортски клуб од основните училишта: ООУ „Ѓорѓија Пулевски“ – Скопје