Дали Васко Ковачевски се откажал од македонското и побарал српско државјанство?

Поранешниот директор на ЕСМ Васко Ковачевски пред еден месец се откажал од македонско државјанство и моментално се наоѓа во една од соседните земји, објави неофицијално ТВ21.

Според нив, Ковачевски побарал српско државјанство и моментално е во Србија.

ТВ21 испратиле прашање до МВР за официјална потврда дали Ковачевски се откажал од македонско државјанство.

Денеска се спроведе акција за криминал во ЕСМ, РЕК Битола и Рек Осломеј, во која еден од осомничените е Васко Ковачевски.

Како што соопшти и премиерот Мицкоски, Ковачевски не бил во Македонија, но се работи на тоа да биде обезбеден.