epa11513480 Rafael Nadal of Spain waves to the crowd as he leaves after losing the Men's Doubles Quarter-final match with teammate Carlos Alcaraz against Austin Krajicek and Rajeev Ram of the US at the Tennis competitions in the Paris 2024 Olympic Games, at the Roland Garros in Paris, France, 31 July 2024. EPA-EFE/DANIEL IRUNGU
ВЕСТИМакедонијаСПОРТ

Надал објави крај на кариерата (ВИДЕО)

Надал преку видео објавено на социјалните мрежи се обрати и кажа дека тука завршува неговата тениска кариера и во иднина ќе биде само гледач.

„Здраво на сите, тука сум за да ви кажам дека се повлекувам од професионалниот тенис. Реалноста е дека имав многу потешкотии последните години и не бев во можност да играм на највисоко ниво. Очигледно ова е тешка одлука, но морав да ја донесам бидејќи се во животот има почеток и крај“, рече меѓудругото 38-годишниот Надал.

Рафаел Надал во кариерата освои 22 Гренд слема, четири титули во Дејвис купот, 36 Мастерс турнири и вкупно 92 трофеи на АТП турнирите, има злато од Олимписките игри во Пекинг и помина 209 недели на првото место на АТП листата.

Шпанецот важи за „Крал на земјината подлога“, неофицијална титула која тешко дека некој ќе му ја земе со оглед на тоа дека дури 14 пати го освои Ролан Гарос.

Пензионирањето на Надал значи дека само Новак Ѓоковиќ остана активен од големата тројка. Роџер Федерер се пензионираше во 2022 година.

Може ќе ви се допадне ПОВЕЌЕ ОД АВТОРОТ