Шест тела се пронајдени во подземен тунел во областа Рафа во јужниот дел на Појасот Газа и пренесени во Израел, објави израелската војска на Телеграм.
Според воениот портпарол, тие биле убиени од киднаперите непосредно пред да бидат пронајдени нивните тела.
ИДФ ги именуваше заложниците како Кармел Гет, Еден Јерушалми, Херш Голдберг-Полин, Александар Лобанов, Алмог Саруси и наредникот Ори Данино. Портпаролот контраадмирал Даниел Хагари рече дека првичната проценка била дека тие биле „брутално убиени од терористите на Хамас непосредно пред да дојдеме до нив“.
The bodies of Carmel Gat, Eden Yerushalmi, Hersh Goldberg-Polin, Alexander Lobanov, Almog Sarusi, and Master Sergeant Ori Danino were found and recovered yesterday.
They were all taken hostage on October 7 and were murdered by the Hamas terrorist organization while in captivity… pic.twitter.com/9VWYHNX0Ks
— Israel Defense Forces (@IDF) September 1, 2024
Откако беше потврдена смртта на Голдберг-Полин, американски државјанин, американскиот претседател Џо Бајден рече дека е „потиштен и огорчен“ од веста. „Сите тие беа земени како заложници на 7 октомври и беа убиени од терористичката организација Хамас во Појасот Газа“, објави ИДФ. Во соопштението се додава дека нивните семејства се веќе известени.
Бајден во изјавата рече дека Херш „е меѓу невините брутално нападнати додека присуствуваа на музичкиот фестивал за мир во Израел на 7 октомври“. „Тој ја загуби раката помагајќи им на пријателите и странците за време на дивјачкиот масакр од страна на Хамас. Тој штотуку наполни 23 години. Планираше да патува низ светот. Ги запознав неговите родители, Џон и Рејчел. Тие се храбри, мудри и непоколебливи, иако го издржаа незамисливото“, рече Бајден.
Голдберг-Полин и пријателите се сокриле во мало засолниште кога започнал нападот на Хамас. Милитантите фрлиле граната во бункерот, а тој побрзал да ја исфрли пред да му биде разнесена раката, рече негов пријател.
Израелската војска започна кампања во Газа за уништување на Хамас како одговор на нападот на 7 октомври, при што беа убиени околу 1.200 луѓе, а 251 лице беа земени како заложници. Оттогаш, повеќе од 40.530 луѓе се убиени во Газа, според тамошното Министерство за здравство управувано од Хамас.
Американски, египетски и катарски посредници се обидуваат да посредуваат за договор за прекин на огнот со кој Хамас ќе ги ослободи преостанатите 97 заложници, вклучително и најмалку 27 за кои се претпоставува дека се мртви, во замена за палестинските затвореници во израелските затвори.
Извор: Мкд.мк
Comments are closed, but trackbacks and pingbacks are open.