„НИ ИЗГОРЕ ЕДИНСТВЕНОТО ПРОТИПОЖАРНО ВОЗИЛО НА ДПД ПЕХЧЕВО“: Голема катастрофа при гаснење на пожарот
Вчера попладне избувна нов голем пожар во Пехчево, каде освен што страда природата, настрада и единственото противпожарно возило на ДПД Пехчево.
За среќа жртви нема.
Заменик директорот на ЈП Национални шуми, Кире Михаилов, објави видео на кое се гледа возилото веднаш откако огнот бил изгаснат.
„Еве ја вистинската слика за тоа што оставаат пламените јазици онаму каде ќе поминат.
Ова е видео од противпожарното возило со кое денеска храбрите пожарникари се обиделе да му се спротивстават на новиот пожар над Пехчево.
Среќа во несреќа е тоа што нема човечки жртви и учесниците во гаснењето поминале со помали изгореници“ напиша тој на Фејсбук.