Кои се Дрин и Бесијан Ахмети, внуците на Али Ахмети и за што ги гони полицијата?

Двајцата браќа, внуци од брат на Али Ахмети, се соочуваат со правни последици поради неплаќање на државни давачки во рамки на нивното раководење со фирма за експлоатација на варовник во Кичевско. Притоа, утврдено е дека фирмата не ги исполнувала финансиските обврски предвидени со концесискиот договор. Покрај нив, пријавени се и седум други лица, од кои петмина се вработени во Министерството за економија и двајца во Државниот инспекторат за техничка инспекција, поради пропусти во вршењето на надзорот и утврдувањето на неплаќањето на обврските од страна на фирмата.

Кој е Дрин Ахмети?

Дрин Ахмеди, внук од братот на познатиот Али Ахмети, стана значаен фактор во деловниот свет на Македонија откако стана сопственик на значителен удел во компаниите кои управуваат со деловната зграда „Соравија“ во центарот на Скопје. Ахмети преку неговата фирма „Тхор индустис“ ДООЕЛ ги стекна 39% од акциите на „Соравија инвест“ и 49% од „Соравија менаџмент“, што предизвика бројни прашања во јавноста околу сумата инвестирана за овие акции.

Иако врската со Али Ахмети би можела да се претпостави како фактор во неговиот успех, Дрин јасно стави до знаење дека неговиот вујко не е вмешан во неговиот бизнис. „Тој ми е чичко и моја мотивација, но нема врска со мојот бизнис“, изјави младиот бизнисмен. Неговата самостојност во деловните потфати останува да биде клучен елемент во неговата кариера.

Кој е Бесиан Ахмети?

Бесиан Ахмети е јавна личност која доби значајно внимание кога тогаш опозициската партија ВМРО-ДПМНЕ изнесе тврдења дека тој бил именуван за прв секретар во Амбасадата на Република Северна Македонија во Брисел на незаконит начин. Според изворите, Ахмети бил вработен во Министерството за економија во мај 2022 година како помлад соработник за мониторинг и следење на договорите за концесија за минерали, и само по 10 месеци, преку интерен оглас, се префрлил во Министерството за надворешни работи.

Покрај ова, Бесиан има наведено на својот професионален профил на „Линкдин“ дека бил економски промотор на земјата во време кога технички премиер бил Емил Димитриев од ВМРО-ДПМНЕ, меѓутоа оваа информација не била потврдена од официјални извори поради класификација на владините документи како тајни. Тврдењата за неговото незаконско именување и позицијата која ја заземал продолжуваат да предизвикуваат дебати и контроверзи во јавноста.

Извор: ТВ 21