Портал близок до Министерот Николовски шири дезинформации

Ажурирано Mar 20, 2024

Имено, iportal.mk пренесува вест дека наводно Филип Филиповски, кој вчера одржа прес за состојбите со Водостопанството во Македонија, бил шеф на кабинет на Цветан Трипуновски, дополнителен заменик министер за земјоделство, шумарство и водостопанство и дека за него е поднесена кривична пријава во 2019 година за Злосторничко здружување, злоупотреба на службена положба и овластување, измама во служба, фалсификување на службена исправа, проневера во служба, несовесно работење, фалсификување или уништување на деловни книги, фалсификување на исправа, употреба на исправа со невистинита содржина.

Демантот го пренесуваме во целост:

„Почитувани, по мојот прес за состојбите со Водостопанството во Македонија, вчера на 19.03.2024 година, на портал регистриран во Крива Паланка, градот на Министерот за земјоделство шумарство и водостопанство Љупчо Николовски, се предесена две дезинфoрмации, а за кои не побараа информации и тоа:

1. Како прво не сум Шеф на кабинетот на дополнителниот Министер Цветан Трипуновски туку сум дел од стручниот тим согласно законот за техничка влада.

2. Обвинението на Оливер Илиевски, директорот на водостопанство „Кумановско-липковско поле” ,,Злосторничко здружување, злоупотреба на службена положба и овластување, измама во служба, фалсификување на службена исправа, проневера во служба, несовесно работење, фалсификување или уништување на деловни книги, фалсификување на исправа, употреба на исправа со невистинита содржина,, од надлежен Обвинител е донесена ,,Наредба за запирање на истражната постапка,, за кои е известена МВР, дека СЕ ЗАПИРА ПОСТАПКАТА.

Го повикувам посочениот Портал од Крива Паланка, да ги демантира своите дезинформации и ги објави моите информации. Во спротивно преку мојот законски застапник посочениот Порталот ќе добие Обвинение за клевета“, пишува Филип Филиповски на својот фејсбук профил.