Американската амбасада издаде безбедносно предупредување до нивните државјани поради заканите за бомби

Амбасадата на САД во Македонија денеска излезе со предупредување до американските граѓани кои сакаат да патуваат во земјава или престојуваат овде поради како што велат, потенцијно зголемување на криминалот за време на празничната сезона и постојаните закани за бомби.

Американската амбасада ги потсетува граѓаните на САД да внимаваат додека се движат бидејќи џебните кражби и другите ситни криминални активности може да се зголемат.

-Исто така, има зголемување на пријавените закани за бомби повеќе пати неделно низ Скопје и регионот, на јавните транспортни станици, аеродромите, хотелите, трговските центри, спортските центри и училиштата. Локалните органи за спроведување на законот ја истражуваат секоја закана и досега сите закани за бомби беа утврдени за лажни. Ако се најдете на локација на која се заканува бомба, следете ги упатствата на локалните безбедносни служби и полицијата на лице место, се вели во безбедносното предупредување на амбасадата на САД.

Амбасадата им препорачува на своите државјани да избегнуваат големи гужви и демонстрации и да покажат дополнителна будност при посети на празнични фестивали и настани, како и места за богослужба.

Пред два дена Министерството за надворешни работи на Германија ги предупреди германските граѓани да бидат внимателни и внимателни кога патуваат во Северна Македонија поради заканите за бомби.

На германските граѓани им се препорачува да останат информирани за моменталната ситуација преку доверливи локални и социјални медиуми и да ги следат препораките на локалните власти и безбедносните сили.