Тасевски на Канал 5: Секоја сериозна држава нема да дозволи ни промил од ова што ние го доживуваме од Бугарите!

Ние немаме проблем со Бугарите како и што немавме проблем со Грците. Бугарите имаат проблем со нас, нивните национални комплекси се во конфликт со нашиот идентитет со она што сме ние, истакна актерот Сашо Тасевски, во вечерашното гостување во дебатната емисија „Само Вистина!“ на Канал 5 Телевизија.

„Бугарскиот договор е фактички документ со документирани нивни барања за нивниот сон за Санстефанска Бугарија и тоа е она што ни го нудат на нас. Ваквите постапки не претставуваат договор туку уцена и ултиматум“, посочи Тасевски.
Тасевски додаде дека сета намера што се прави е да се удри по македонскиот идентитет.

Тој додаде дека нашиот проблем е што имаме квислиншка власт која свесно влегува во преговори со држава која сака да го поништи македонскиот идентитет и нормално да воспостави контрола над оваа територија.

„Политиканството со која е инфицирана цела држава, вклучувајќи ги највисоките државни институции до најситните сегменти се еден вид групации, некој ќе ги наречат и банди кој ја имаат власта во свој раце ги имаат механизмите и прават што сакаат“, рече Тасевски.

Тасевски потенцираше дека не смее било која соседна држава да помисли да се однесува на ваков начин со свој сосед. Едноставно секоја сериозна држава нема да дозволи ни промил од ова што ние го доживуваме од Бугарите како начин на однесување.

„Нашата владејачка гарнитура за жал нема никаков одговор и одговараат со молчење на постапките од страна на Бугарија, а доколку се молчи тогаш тоа значи дека тоа нешто се прифаќа“, заклучи Тасевски.