ВМРО-ДПМНЕ ПРОТЕСТИРАШЕ ПО ВТОР ПАТ- ги повика сите граѓани да им се придружат против оваа ненародна власт
ВМРО-ДПМНЕ денеска протестираше по втор пат.
На протестот се маршираше пешки, но и со автомобили кои ја блокираа улицата кај Регулаторната комисија во центарот на градот.
Граѓаните преку транспаренти „Доле влада“, „Заев апаш. Тендери лапаш“ и „Нов бонбона бизнис“ го искажаа својот револт поради покачената цена на струјата.
За време на протестот ВМРО-ДПМНЕ наиде и на затворени врати во комисијата за енергетика откако сакаа да се сретнат со претседателот на комисијата Марко Бислимоски.
МРО-ДПМНЕ повторно е на улица, како што најавивме пред неколку дена бараме од оваа мафијашка власт да ги слушне барањата на граѓаните, ова денеска на протестот против поскапувањето на цената на струјата го истакна потпретседателот на партијата Владо Мисајловски.
-Ние денеска дојдовме до регулаторната комисија, а тие не пречекаа со затворени врати. Никој не ни ја отвори врата за да го поднесеме ова барање до нив. ВМРО-ДПМНЕ ги повикува сите граѓани да им се придружат на нив бидејќи ние сакаме да го слушнеме гласот на народот. Гласот на народот е намалување на цената на струјата, бараме да се врати старата цена и да си поднесат оставка сите членови на регулаторната комисија на чело со претседателот, вели Мисајловски.
Тој додава дека нивниот недемократски претседател денеска не им отворил врата за да достават само едно барање.
-ВМРО-ДПМНЕ продолжува да биде на улица, затоа го повикуваме целиот народ, здруженија, граѓани, оваа битка не е само наша, мора да го чујат нашиот глас, бидејќи само така сите сме посилни. ВМРО-ДПМНЕ нема да застане, туку ќе се сплотува со сите граѓани, здруженија, невладини организации, рече Мисајловски.
