ВМРО-ДПМНЕ – Филипче ако има грам морал ќе си поднесе оставка

Наместо оставка и одговорност власта Филипче го наградува со продолжување на министерската палка во здравството во време кога секој ден се бројат заразени и мртви, реагираат од ВМРО – ДПМНЕ.

Филипче ако има грам морал треба сам да се повлече. Денешната бројка од 159 заразени е нов неуспех и крах на Филипче и владата на Заев.

Неодговорноста на власта ја чини Македонија и граѓаните здравје, а некој и живот.

Доаѓа есен, а предвидувањата се дека бројките ќе растат. СДСМ не успеа да се справи со првиот бран, кој во Македонија е продолжен со по неколку пикови, нема да може да се справи ниту со вториот.

Неспособноста на СДСМ до сега не чини 2.8 милијарди евра откако се на власт, а само во кризата 1 милијарда. Долгот ќе расте, затоа што не знаат како. Покрај долгот расте и невработеноста.

Со СДСМ имаме општ хаос, кој за жал продолжува.

Центар за комуникации на ВМРО-ДПМНЕ