Мицкоски за блокадата на Изборниот законик: СДСМ со катастрофалните политики ги избрка, а сега со недавањето право на глас ВТОР ПАТ ЈА КАЗНУВА ДИЈАСПОРАТА

СДСМ во коалиција со Левица поднесоа 13 илјади амандмани со цел да го спречат гласањето на нашинците во дијаспората, плашејќи се дека ја немаат нивната доверба и ова е силна порака кон нашинците од дијаспората. Се надевам, конечно Коалицијата СДСМ – Левица ќе се осмелат, ќе ги остават своите политички мотиви, ќе се вратат во Парламентот, се уште има време и оваа реформа да ја испорачаме. Јас сум убеден дека политичките интереси ќе ги остават на страна и ќе ги стават како приоритет националните интереси, изјави денеска премиерот Христијан Мицкоски одговарајќи на новинарско прашање во однос на носењето на Изборниот законик.

-Најпрвин, СДСМ кога беше Влада со својата катастрофа и катаклизма која што ја донесе во Македонија, мотивираше и избрка голем дел од нашите граѓани да си ја бараат својата среќа надвор од Македонија, а сега истите ги казнува по втор пат. Не им дозволува да учествуваат на легитимни, претседателски избори. Ако се плашат за парламентарните, еве ние им велиме за следните претседателски избори па натаму да и се даде можност на дијаспората да учествува по електронски пат. Не е точно изминатите деново што се зборува за примерот на Франција, можам да ви кажам многу примери кои што и ворегионот ги имамем аплицирано, кои што ги гледаме и кои што се случуваат, рече Мицкоски.

Изминатите месеци имавме конструктивна дебата, во последен момен Левица одби да го потпише поднесокот, вели премиерот.

-Она што ние го направивме изминатите месеци беше конструктивна дебата во рамките на Парламентот, онаму и каде што треба да се дебатира. И се беше готово, се беше завршено, се беше усогласено кога станува збор за Изборниот законик. Во последен момент политичката партија Левица одби да се потпише на поднесокот до парламентарците, односно одби да го потпише на Изборниот законик кој што тие го предлагаа, кој што тие го усогласуваа, а ние им прифаќавме се што сакаа, се што е во согласност со нормалното однесување, вклучително и парите за финансирање на кампања, нешто што им беше најбитно. Тоа им беше главен приоритет. Да имаат повеќе пари за кампања, се им прифативме и рекоа не, ова ние нема да го потпишеме, ви ветуваме нема да правиме филибастеринг со амандмани, вие изгласајте го, ние ќе бидеме воздржани, ссакајќи притоа да се претстават повторно лажно пред нивните поддржувачи, еве тие се ти кои што се принципиелни а сите остамнати се против нив, правејќи се жртва на тој начин, а во суштина 4 месеци заедно преговараа со сите пратенички групи и ова е порака до нивните гласачи: замислете да им дадете можност да управуваат со институции, замислете да им дадете можност тие да одлучуваат за вашата иднина, кога во очи ве лажат, ве гледаат во очи и ве лажат, а позади завеса нешто сосема друго прават, појасни Мицкоски и додаде:

„Впрочем, се сеќавате на она сведочење на поранешниот претседател на владата Зоран Заев кога јасно кажа дека се обезбедувале ресурси за да Левица одземала гласови од ВМРО-ДПМНЕ на едни парламентарни избори, а потоа ако добиеле пратеници требало да бидат во Коалиција со СДСМ и да ја поддржуваат неговата Влада. Тогаш избега претседателот на Левица, а сега повторно бега. Затоа порака до сите оние кој што ја поддржуваат оваа политичка партија. Ако тие едно прават со месеци, за друго зборуваат, замислете да им дадете можност замислете што ќе прават и како ќе се однесуваат“.

Нашата црвена линија е дијаспората, вели Мицкоски.

-Навистина жалам, нашата порака беше јасна: Кажете се, се ќе прифатиме, но наша црвена линија е гласањето на дијаспората, бидејќи дијаспората мора да се чуствува поврзана со својата татковина, затоа што наша цел како Влада е, еден ден таа дијаспора да си ја вратиме дома. Се надевам, конечно Коалицијата СДСМ – Левица ќе се осмелат, ќе ги остават своите политички мотиви, ќе се вратат во Парламентот, се уште има време и оваа реформа да ја испорачаме. Јас сум убеден дека политичките интереси ќе ги остават на страна и ќе ги стават како приоритет националните интереси, рече премиерот Мицксоки.