Утрово на „Партизанска“ – Полицијата блокира Брза помош, за да помине луксузно возило на политичар
Фејсбук објава на новинарот Мартин Богатиновски која утрово стана вирална на социјалните мрежи. Ви ја пренесуваме во целост:
– Утрово, на крстосница на Партизанска во Скопје, се слушнаа две сирени: возило на Брза помош од едната страна и полициско возило кое му го расчистува патот на луксузното возило на некој политичар, од другата страна.
И нормално, полицијата, ни две ни три, му го блокираше патот на возилото на Брза помош кое иташе да спаси нечиј човечки живот, и по брза постапка му го расчисти патот на политичарот кој иташе да си го испие своето прво утринско кафе на удобната фотелја.
Толку треба да знаеме за приоритетите во државава.
