ФОТО: Колони возила на бензиските по поскапувањето на горивата поради иранскиот конфликт

Почнаа гужвите пред бензинските пумпи откако Регулаторната комисија за енергетика донесе одлука од ноќеска по полноќ да поскапи цената на дизелот за 14,5 денари за литар, а на бензините за пет денари за литар. Тоа значи дека возачите ќе треба да го одврзат ќесето и да платат повеќе за гориво ако резервоарите им се празни.3

РКЕ денеска одлучи, од полноќ цената на бензините се зголемува за 5 денари по литар, а на дизел горивото за 14,5 денари за литар. Малопродажната цена на Екстра лесното масло за домаќинство на (ЕЛ-1) се зголемува за 12,50 ден/лит. Малопродажната цена на Мазутот М-1 НС се зголемува за 7,044 ден/кг и сега ќе изнесува 42,586 ден/кг.

Од 10.3.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС – 95 79,50 (денари/литар)
Моторен бензин ЕУРОСУПЕР БС – 98 81,50 (денари/литар)
Дизел гориво ЕУРОДИЗЕЛ БС (Д-Е V) 85,50 (денари/литар)
Масло за горење Екстра лесно 1 (ЕЛ-1) 82,50 (денари/литар)
Мазут М-1 НС 42,586 (денари/килограм)