Свет

(ВИДЕО) Сопругата на убиениот Чарли Кирк: „Немате поим каков оган запаливте“

Американскиот конзервативен политичар и активист Чарли Кирк е убиен затоа што проповедаше патриотизам, вера и милосрдна љубов во Соединетите Американски Држави, изјави неговата сопруга Ерика.

„Го убија Чарли затоа што проповедаше патриотизам, вера и милосрдна љубов Божја“, рече таа во своето прво обраќање по убиството на нејзиниот сопруг кое го емитуваа американските телевизиски канали.

Ерика Кирк, исто така, вети дека движењето на нејзиниот покоен сопруг ќе продолжи.

Поддржувач на американскиот претседател Доналд Трамп, конзервативниот политичар и активист Чарли Кирк, беше смртно застрелан на масовен настан на Универзитетот Јута Вали. По него останаа сопругата и двете деца.

Емитувањето од седиштето на Turning Point USA во американската сојузна држава Аризона започна со момент на тишина додека камерата се насочи кон празната столица на Чарли Кирк. Неговата вдовица го започна својот говор со тивка молитва, а потоа им се заблагодари на службите за итни случаи, персоналот на нејзиниот сопруг и на Белата куќа.

„Господине претседателе, мојот сопруг ве сакаше. И знаеше дека и вие го сакате него“, рече таа низ солзи. Таа, исто така, им се заблагодари на потпретседателот ЏејДи Венс и на неговата сопруга Уша, што го придружуваа ковчегот со Кирк во Аризона. „Но, најмногу од сè, Чарли ги сакаше своите деца. И ме сакаше мене. Со сето свое срце. И се погрижи да го знам тоа секој ден.“

Обраќајќи им се на оние што ги нарече „криминалци“, Кирк рече: „Немате поим каков оган разгоревте кај оваа сопруга, плачот на оваа вдовица ќе одекнува низ целиот свет како борбен повик. Секој треба да го знае ова: Ако мислевте дека мисијата на мојот сопруг е моќна порано, немате поим, немате поим што штотуку ослободивте низ оваа земја и светот“.

Објави дека турнејата на нејзиниот сопруг на американските универзитети ќе продолжи оваа есен и во наредните години, како и неговиот подкаст.

Ерика Кирк, исто така, зборуваше за нивниот едногодишен син и тригодишната ќерка, велејќи дека не може да ја објасни ненадејната смрт на нивниот татко. „Душо, тато те сака толку многу. Не грижи се. Тој е на службено патување со Исус“, ѝ рекла таа на својата ќерка. Триесет ишестгодишната Ерика Кирк и децата според некои информации биле во публиката во времето на пукањето.

Ерика Кирк е деловна жена и поранешна Мис Аризона САД, која го запознала својот сопруг во 2018 година. Двојката се венчала помалку од три години подоцна. Таа моментално работи на докторат по библиски студии, води министерска програма и подкаст фокусиран на библиско водство. Таа, исто така, се занимава со глума, моделинг и има своја модна линија.

Кирк беше застрелан и убиен на Универзитетот Јута Вали додека одговараше на прашање за оружените насилство и пукања во американските училишта од трансродови лица. Претседателот Трамп објави дека постхумно ќе му го додели Претседателскиот медал за слобода – највисокото цивилно одликување што може да го додели еден претседател – опишувајќи го како „гигант од својата генерација и шампион на слободата“.

Организацијата Turning Point USA, која Чарли Кирк ја основал кога имал 18 години, го нарече својот коосновач „маченик“ и „пионер“.

Потпретседателот ЏејДи Венс во четвртокот отпатува во Солт Лејк Сити за да го земе ковчегот на Кирк и да го пренесе во Феникс, каде што живее семејството на Кирк, со претседателскиот авион „Air Force Two“..

 

Може ќе ви се допадне ПОВЕЌЕ ОД АВТОРОТ

Comments are closed.

ZBOR.COM.MK