ЦЕНАТА ЗА ОВОЈ ХАОС ЌЕ ЈА ПЛАТИ СДСМ НА ИЗБОРИТЕ Невидена глупост е казнување на граѓаните за документи без „Северна“, смета Ѓорѓи Спасов

Глупост невидена е да се казнува некој во Македонија што до 12. овој месец не сменил лична карта или возачка дозвола заради името Северна Македонија. Тоа не се случува заради грешка или неодговорност на граѓаните и ако има таков закон мора итно да се смени – пишува Ѓорѓи Спасов, професор и активен поддржувач на СДСМ на својот профил на Фејсбук

„Во спротивно може да ѝ случи на власта граѓански отпор и непослушност односно масовно неплаќање на такви казни. Што ќе прави таа во таков случај? Ќе ги праќа неплаќачите во затвор?

Треба да се домислуваат работите.

Во спротивно некој ќе праша: Како е можно да гласаме со стари лични карти на следните избори, а не можеме да возиме низ земјава со старите возачки дозволи? Кога услов за гласање би биле само документи со Северна Македонија партиите би трчале и би плаќале да им обезбедат такви документи на граѓаните.

Но, вака се безбедни и сè е на трошок на граѓаните. Дури треба да платат по 30 евра за патен лист што ќе им го издаваат амбасадите за да се вратат во земјава.

Како и да е. Овој гнев што со хаосот околу менувањето на документите се создава ќе влијае многу лошо врз изборните резултати пред се на СДСМ“ – пишува Спасов.

https://www.facebook.com/gjorgji.spasov/posts/10230767596524136?ref=embed_post