„Изјава одлепена од реалноста“, вели Пендаровски за обвинувањата од Фрчкоски дека „мешетарел“ во СДСМ

Поранешниот претседател на Македонија Стево Пендаровски реагира на изјавата на екс министерот Њубомир Фрчкоски дека „мешетарел во СДСМ“.

– Во врска со изјавата на Љубомир Фрчковски дадена во емисијата “Во Центар” во која во негативен контекст го споменува моето име, сакам да го дадам следново појаснување: Изјавата е проблематична минимум на две нивоа: македонската јавност добро знае дека во моето 30-годишно бавење со јавните работи никогаш не сум “мешетарел” како многу други во чии кариери нема ништо друго освен задкулисни маневри и кафеанско озборување. Меѓутоа, многу поголем проблем е што изјавата е целосно одлепена од реалноста и фактите, што, за жал, се случува кај некои луѓе поради “квалитетот” на изворите со кои се дружат, вели во реакцијата Пендаровски.

Фрчковски ова го зборуваше во контекст на состојбата во СДСМ и наводните лоби групи кои „работеле за смена на Филипче“.

– Ме чуди тоа што мешетари Стево Пендаровски. Нема потреба од тоа. А мешетари без врска… Инаку, во кулоарите веќе подолго време се шпекулира дека Стево Пендаровски води некаква иницијатива за реформи во СДСМ и во опозицискиот блок, но до овој момент за тоа никој не проговорил јавно, рече Фрчкоски.