Морето во Турција се повлече за повеќе од 200 метри, граѓаните вознемирени

Морето се повлекува од 8 февруари, а денеска се повлече за повеќе од 300 метри во областа Чешме и пристаништето Алакати, а нивото на водата во областа Дикили и Бодрум падна за повеќе од половина метар, оставајќи зад себе многу заглавени чамци, пишува Anadolu Agency.

Иако граѓаните се вознемирија, поврзувајќи ја оваа појава со земјотресите во Санторини, експертите тврдат дека морската вода се повлекла поради силните северни ветрови и дека тоа е природен процес.

д-р Мехмет Чавушоглу, член на Работната група за животна средина, биодиверзитет и климатски промени на Турската академија на науките (ТУБА) и проф. Д-р Доган Јашар изјавиле дека морската вода се повлекла поради силните северни ветрови кои достигнуваат удари и до 60-70 километри на час.

Јашар истакна дека повлекувањето нема никаква врска со земјотресите во Егејското Море, велејќи дека нема причина за загриженост.

Забележано е и дека нивото на водата на реката Каршијака, која е живеалиште за многу птици, е намален.

И шефот на Катедрата за водни ресурси на Универзитетот во Мугла, д-р Џејхун Озчелик, рече дека морето во последните денови се повлекува по бреговите на Медитеранот и Егејското Море. Озчелик изјави дека земјотресите не се причина за оваа појава и дека нема потреба од паника кај граѓаните.

На брегот кај Мармарис поради повлекувањето на морето се формираа неколку нови острови, а морето се повлече и на плажите Узуњали и Ичмелер.

Морето се повлече на околу 100 метри и од брегот во Силиври кај Истанбул, во регионот Баликесир и во Дидим.

Забележано е дека додека водата се повлекувала, на плажата се формирале острови од песок.

Оваа појава, според експертите, кои посочија дека причина за повлекувањето на морската вода на Дарданелите и на брегот на Анадолија е силен северен ветер, а тој треба да трае до среда.

Сепак, Чагла Кубат, инструктор по сурфање во Алакати, за Anadolu Agency изјави дека повлекувањето на водата што се случува речиси секоја година е позабележително овој пат.

Таа рече дека оваа недела се откажани тренинзите поради повлекување на водата и дека се чека водата да се врати на претходното ниво.

Хусеин Услу, кој живее 41 година во областа Ајдин, вели дека секоја година има период кога водата се повлекува при силните северни ветрови, но дека ваква ситуација одамна не видел.

Comments are closed, but trackbacks and pingbacks are open.

ZBOR.COM.MK