Жената која падна од тераса на 8 март во Охрид всушност била турната, ова се деталите

СВР Охрид поднесе кривична пријава против А.Д.(32) од Охрид, поради постоење основи на сомнение за сторено кривично дело „убиство во обид“ како и против Е.М.(21) од Охрид, поради постоење основи на сомнение за сторено кривично дело „помагање“.

-На 08.03.2024 околу 11.30 часот, првопријавениот, во стан на улицата „ Карпош Војвода“ во Охрид, сопственост на второпријавениот, по претходна расправија ја турнал М.О.(39) од Скопје од терасата. Таа била пренесена во болницата „Св.Еразмо“ во Охрид каде и биле констатирани тешки телесни повреди, информира портпаролот на СВР Охрид, Стефан Димоски.

Второпријавениот Е.М., кој бил присутен, не го спречил сторителот во извршувањето на кривичното дело.