Мицкоски: Овој голем христијански празник нека донесе пред се здравје и мир, здрав и мирен човек може да направи сѐ

Сакам да го честитам овој голем православен христијански празник Богојавление – Водици на сите православни христијани. И да им посакам како што е редот здравје, среќа нели, успех, мир, она што на сите нас е потребно, но и на сите граѓани се разбира кои што не го слават овој денешен ден, а се наши сограѓани во оваа наша Македонија, изјави денеска од Охрид претседателот на ВМРО-ДПМНЕ Христијан Мицкоски.

Нека ни донесе пред се здравје овој ден, да бидеме спокојни и мирни во душата, бидејќи тоа е најважно. Здрав човек и мирен човек може да направи сѐ.

Така, и да му го честитам нели овој прекрасен момент на фаќачот на крстот, до овој момент не успеав да дознам кој е, кое е името, и кој е среќниот и благословен кој што успеа тоа да го направи денеска. Но, еве и на него и на неговото семејство и на сите останати да им посакам пред се здравје, изјави Мицкоски.