Мицкоски од Благоевград: НИЕ СМЕ МАКЕДОНЦИ КОИ ГОВОРИМЕ МАКЕДОНСКИ ЈАЗИК

Денеска во Благоевград е отворањето на македонскиот културен клуб „ Никола Вапцаров“. На отвроањето присуствува лидерот на ВМРО-ДПМНЕ Христијан Мицкоски кој оттаму посочи дека неговото присуство е за поддршка за Македонците во Бугарија и клубот.

Мицкоски истакна дека сме Македонци, кои говорат на македонски јазик.

„Во 21 век нити треба некој да има дилема, ниту воопшто да разговара, треба да се почитува правото на самоопределување“, рече Мицкоски.

Мицкоски нагласи дека во Македонија на сите малцинства им се загарантирани правата. Вели дека се горди што денес се со Македонците од Бугарија.

За медиумите изјави дека правото на самоопределување кое е неприкосновено и загарантирано со сите меѓународни акти треба да го почитуваат сите, посебно земјите членки на Европската унија.

„Тука сме да ја испратиме пораката дека ние сме Македонци кои зборуваат македонски јазик и доаѓаат од Македонија. И за тоа во 21 век веќе не треба никој да има дилема, ниту треба воопшто да се разговара. Треба да се почитува правото на самоопределување, а нашето право да се самоопределиме како Македонци е неприкосновено и загарантирано со сите меѓународни акти“, рече Мицкоски пред отворањето на клубот.

Прашан зошто не се почитува правото на бугарските Македонци, Мицкоски истакна дека со македонскиот Устав е загарантирано правото на сите малцинства кои живеат во државата и дека македонскиот Устав е согласно сите меѓународни норми и правила.

„Прашањето е зошто правото на Македонците во Бугарија не е признаено. Секое малцинство во Македонија си има свои права загарантирани со Уставот и според последниот попис 1500 Бугари имаа право да се определат“, рече Мицкоски.

Одговарајќи на прашања од бугарските медиуми, Мицкоски праша дали се запрашале зошто пред влезот на Бугарија во Европската унија немало Македонци со бугарски пасоши.

„Сте го поставиле ли прашањето зошто пред влезот на Бугарија во Европската унија имаше нула Македонци со бугарски пасоши. Поради определени економски причини некои од нив можеби одлучиле да извадат пасоши“, рече Мицкоски.

Според Мицкоски, ВМРО-ДПМНЕ не е причината што подгрева тензии, туку причината која обединува