ТВ серијата, Ти (You) со сигурност ќе биде нај исполнетиот дел од вашето слободно време.
Се работи за љубовта на менаџер на една книжарница кој со сите сили и принципиелност ќе се обиде да ја натера жената во која е вљубен, да му ја возврати љубовта и да се заљуби во него.
![](https://zbor.com.mk/wp-content/uploads/2020/08/5.jpeg)
Главни улоги: Пен Беџли, Елизабет Лејл, Шеј Мичел
Жанр: драма, криминал, романса
Креатори: Грег Берланти, Сера Гембл
Премиера: 9 септември 2018
Број на сезони: 2
Времетраење: 60 минути
Јазик: англиски
Наша оценка: 9/10
Се работи за едно сосема навидум обично момче што работи во книжарница, кое има посебна љубов кон книгите. Тој верува во вистинска љубов и љубов на прв поглед, па токму затоа кога ќе ја запознае Гвеневир Бек (Елизабет Лејл), тој веднаш ќе почуствува дека таа е вистинската девојка за него. Но, Џо не е од модерните фраери кои лесно флертуваат со девојките, и многу добро го знае тоа за себеси. Па затоа тој бара начин со кој ќе стигне до неговата девојка од соништата и почнува да истражува работи поврзани за нејзиниот живот.
Џо ја дознава нејзината дневна рутина, како и сите оние нешта во коишто таа ужива, што таа сака, а што мрази. Но никогаш не е толку едноставно во љубовта, така и за неговиот случај. Најголемата препрека ќе е Бенџи (Лу Тејлор Пучи), момчето со кое Бек е во еден вид „комплицирана“ врска. Тој знае дека ќе мора да го тргне Бенџи од нејзиниот живот доколку сака да има шанса кај неа, бидејќи се работи за неговата вистинска љубов.
![](https://zbor.com.mk/wp-content/uploads/2020/08/44.jpeg)
Како што времето ќе поминува, така тој сè повеќе ќе се зближува со Бек, па така ќе ја запознае и Пич (Шеј Мичел), најдобрата пријателка на Бек која е вистински психопат што целосно го контролира животот на Бек.
Тој би направил сè, буквално сè, за љубовта на својот живот! Но, дали таа е навистина вредна за него? И дали она скромно момче кое е вљубено во книгите ќе остане скромно и во оваа приказна од неговиот живот?
Со сигурност ќе уживате гледајќи ја оваа серија за една љубов , борба и секојдневните препреки кои ни ги дава животот и во реалноста.