Украинскиот претседател Володимир Зеленски изјави дека би бил подготвен да разговара со Русија, но го отфрли рускиот предлог за средба во Белорусија, терен за инвазијата на Москва на Украина.
„Слушнавме многу разговори за средба меѓу Украина и Русија која може да стави крај на оваа војна и да ни го врати мирот. Доста често Минск се споменува како место за овие преговори“, рече Зеленски во обраќањето објавено на веб-страницата на претседателството утрово.
„Локацијата не беше избрана од Украина ниту од Белорусија. Таа беше избрана од руското раководство.
Белорусија одигра клучна улога во руската инвазија на Украина. Според украинските власти, руските трупи извршиле инвазија преку границата со Белорусија со поддршка од владата на Белорусија. Администрацијата на Бајден санкционираше девет белоруски одбранбени фирми за нивната поддршка на инвазијата.
Обраќајќи се директно на Белорусија, Зеленски рече: „Ако немаше агресивни дејствија од вашата територија, би можеле да разговараме во Минск, вашиот град. Кога бевте неутрални, разговаравме во Минск. Затоа сега не разговараме во Минск“.
Во 2015 година, украинските и руските претставници се состанаа во главниот град на Белорусија за да ги подготват договорите од Минск, кои вклучуваа кревок прекин на огнот во две области на Украина преземени од проруските сепаратисти една година претходно.
„Се разбира дека сакаме мир и сакаме да се сретнеме. Сакаме да ја завршиме војната. Варшава, Братислава, Истанбул и Баку ѝ беа понудени на Русија. Сите други градови се во ред со нас се додека нема проектили кои летаат од оваа земја. – рече Зеленски.