Рускиот претседател Владимир Путин наскоро ќе им се обрати на граѓаните на земјата, изјави портпаролот на Кремљ, Дмитриј Песков.
Претходно Путин на вонредна седница на Советот за безбедност најави дека одлуката за признавање на независноста на ДНР и ЛНР ќе биде донесена до крајот на денот.
Ситуацијата на контактната линија во Донбас ескалира утрото на 17 февруари. Самопрогласените Народни републики Доњецк и Луганск најавија најинтензивно гранатирање од Украина во последните месеци. Во петокот, на 18 февруари, водачите на ЛНР и ДНР, Леонид Пашечник и Денис Пушилин, најавија евакуација на жителите на републиките во Русија поради зголемената закана од борбени операции. Во саботата во републиките почна општа мобилизација. Претходно денеска лидерите на ДНР и ЛНР апелираа до претседателот на Русија да ја признае независноста на самопрогласените републики.