Продолжува судењето за „Меѓународен сојуз“, Боки 13 и Ременски дел од обвинетите, сведочат Мицевски и Амзовски

Денеска во Кривичниот суд продолжува судењето во случајот „Меѓународен сојуз“. Досега се одржаа неколку рочишта во кои обвинетите ги даваа своите воведни зборови.

Во  случајот „Меѓународен сојуз“ обвинети се Бојан Јовановски-Боки 13, Јасна Мандиќ, Фросина Ременски, Миле Јовановски и Христина Блажеска за кривичните дела „измама“ и „перење пари“.

Денеска се очекува сведочењето на Силјан Мицевски и Ардијан Амзовски, двајцата бизнисмени за кои обвинителството тврди дека биле доведени во заблуда и измамени преку проекти за изградба на Европски центар за возрасни лица и мобилни сервиси, па на невладината на Јовановски исплатиле речиси еден милион евра.