По разорниот земјотрес, еруптираше вулкан на Камчатка (ВИДЕО)

На Jul 30, 2025

Вулканот Кључевскаја Сопка на рускиот полуостров Камчатка почна да еруптира по силниот земјотрес што го погоди Тихиот Океан денеска, соопшти службата за геолошки истражувања, пренесува Ројтерс. Во соопштението објавено на Телеграм, Геофизичката служба на Руската академија на науки вели: „На западната падина е забележано спуштање на вжештена лава. Над вулканот има силен сјај, експлозии“.

Сместен приближно 450 км северно од регионалниот главен град Петропавловск-Камчатски, Кључевскаја Сопка е еден од највисоките вулкани во светот.

Тој еруптираше неколку пати во последниве години.

Земјотрес со јачина од 8,8 степени што го погоди регионот Камчатка денеска оштети згради и повреди неколку луѓе во оддалечениот руски регион, но нема информации за жртви.

After the earthquake in Kamchatka, the eruption of the Klyuchevskaya Sopka volcano has begun. pic.twitter.com/wsgZpeMsVz

— Brian McDonald (@27khv) July 30, 2025