Конзервативецот Фридрих Мерц избран за нов канцелар на Германија по второто гласање во Бундестагот

Кандидатот на CDU/CSU, Фридрих Мерц, беше избран за нов германски канцелар дури во вториот круг од изборите за Бундестагот во вторникот попладнето.

„Почитуван претседателе на Бундестагот, го прифаќам изборот“, изјави Фридрих Мерц од Христијанско-демократска унија (CDU).

Во повтореното гласање 325 пратеници гласаа за Мерц, а за мнозинство беа потребни 316. Пратеничките клубови на Унијата CDU/CSU и Социјалдемократската партија на Германија (SPD) имаат 328 гласови.

По изборите, Фридрих Мерц треба да ги прими акредитивните писма од германскиот претседател Франк-Валтер Штајнмаер, по што целата христијанско-демократска влада треба да положи заклетва.

Пред тоа, изборите за канцелар не успеаја во првиот круг, што е единствен случај во германската историја.

Претпладнето 310 пратеници гласаа за Мерц во првиот круг, што значи дека најмалку 18 пратеници од CDU/CSU и Социјалдемократската партија на Германија (SPD), кои треба да формираат коалициска влада, не гласаа за Фридрих Мерц.

Првите земји што Мерц треба да ги посети како канцелар ќе бидат Франција и Полска веќе во среда, што предизвика загриженост по неуспехот во првото гласање. Аналитичарите го гледаат ваквиот исход како лош почеток за коалициската влада, која планира фундаментална реконструкција на земјата.