Се придружи на „Европскиот фронт“ – Села потпиша договор со Ахмети за заеднички настап на изборите

Претседателот на ДУИ, Али Ахмети и Зијадин Села од Алијанса за Албанците, денеска во Гостивар го потпишаа договорот за коалиција. Тие заеднички ќе одат на парламентарните избори во 2024 година.

Досега се споменуваа некои имиња кои ќе се најдат на списокот на пратеници. Меѓу нив се Елми Азири, Илире Даути, Наим Бајрами, а се очекува да има уште неколку имиња.

За Европскиот фронт, предводен од ДУИ досега потпиша Народното движење на Скендер Реџепи, потоа ДПА со Мендух Тачи и ЕДП на Аријанит Хоџа.

Договори се потпишани и со Сојузот на Ромите, Турската демократска партија и Движењето на Турците.