ВМРО-ДПМНЕ: Заедно градиме модерни општини, предложи идеја и биди дел од промените што носат иднина
Денес и утре ВМРО-ДПМНЕ продолжува со акцијата „Твојата идеја за промени, биди дел од промените што носат иднина”.
Од 11 до 15 часот општините ќе бидат отворени за граѓаните да ги достават своите предлог идеи и проекти кои што ќе бидат дел од општинските буџети за 2023 година,се вели во соопштението од партијата.
Оние граѓани кои нема да можат да ги посетат општините, својата идеја може да ја испратат на budzet.mk и истите ќе бидат разгледани од стручен и професионален тим, а секој проект кој е реален ќе биде реализиран.
Од партијата наведуваат дека за само два дена минатиот викенд се собраа 845 проекти, и со тоа покажуваме дека градоначалниците на ВМРО-ДПМНЕ иновираат и ги слушаат потребите и приоритети на граѓаните.
Преку вклучување на граѓаните во работата на општините воведуваме нов начин на работење и делување. Со креирање на општински буџети, граѓаните директно ќе можат да контролираат каде се трошат нивните пари.
Заедно градиме модерни и европски општини и создаваме иднина за сите граѓани.
2023та година ќе биде година на инфраструктурен бум, преку изградба на училишни и културни сали, училишта, градинки, улици, водоводни и канализациони системи, паркови и обнова на веќе постоечки инфраструктурни објекти.
ВМРО-ДПМНЕ ги повикува граѓаните да бидат дел од промените што носат иднина!