Свет

При падот на индискиот авион, што се урна врз хостел за лекари, нема преживеани

Авионот се урна во зграда која е хостел за лекари, потврди портпаролот на полицијата Џаипал Синг Раторе.

Зградата е студентски дом на медицинскиот колеџ, во кој се сместени студенти и млади лекари. Спасувачките служби ги пребаруваат урнатините.

Според официјалните информации во авионот имало 232 патници и 12 членови на екипажот. Авионот од Ахмедабад летал за Лондон.

Се чини дека нема преживеани во авионската несреќа која се случи во Индија, соопштија официјални лица за странски медиуми. Се уште се утврдуваат точните бројки на загинати.

Некои медиуми во Индија пренесоа дека стравувањата се дека повеќе од 100 лица се мртви во ужасната несреќа.

Повеќе од сто безживотни тела се донесени во болницата во Ахмедабад по уривањето на патничкиот авион на „Ер Индија“, кој летал за Лондон.

Авионот Боинг 787-8, со 232 патници и 12 членови на екипажот, што денеска се урна кратко време по полетувањето од индискиот град Ахмедабад, падна врз студентски дом на Медицинскиот колеџ, во кој се сместени студенти и млади лекари. Спасувачките служби ги пребаруваат урнатините.

Може ќе ви се допадне ПОВЕЌЕ ОД АВТОРОТ

Comments are closed.

ZBOR.COM.MK