ТЕНЗИЧНА АТМОСФЕРА ВО СДСМ: Оливер Спасовски и Дарко Каевски демонстративно го напуштија состанокот на партијата
Денеска на состанокот на извршниот одбор на СДСМ, поранешниот премиер и министер за внатрешни работи, Оливер Спасовски како и портпаролот и актуелниот пратник Дарко Каевски, демонстративно ја нашуштија седницата на која што се разговараше за пратеничките листи на СДСМ за изборите на 8-ми мај, кои што Клан ТВ ги објави во целост.
Клан ТВ дознава дека атмосферата е многу тензична и има огромно незадоволство во рамките на СДСМ за како што велат самоволието на претседателот на СДСМ Димитар Ковачевски и наметнувањето на листи на кои што нема голем дел од најистакните членови на СДСМ.
Курир од свои извори дознава дека состанокот разочарано го напуштил и директорот на Царина, Стефан Богоев.
Носител на листата на партијата и коалицијата во Првата изборна единица е Димитар Ковачевски а како втора ко-носителка е Моника Зајкова од ЛДП. во Втората изборна единица прв е Оливер Спасовски а зад него Фатмир Битиќи, во Третата Сања Лукаревска и Љупчо Николовски, во четворката Венко Филипче и Јована Тренчевска, во петката Јован Митрески и Бисера Костадиновска, додека во Шестата изборна единица листата ја предводи Славјанка Петроска а зад неа е Агрон Демири.