Локалните медиуми јавуваат дека пред неколку моменти во вооружена пресметка биле повредени две лица. Нападот се случил во Одделението за итна помош.

Во дворот на болницата се гледаат полицајци вооружени со автомати, јавува Алмакос.

Како што дознаваме, едното повредено лице предмалку е префрлено на скопските клиники.

МВР објави детали за пукањето пред болницата во Тетово. Се трага по пет лица. двајца се повредени , од кои едниот со тешки повреди.

Денеска околу 18 часот и 5 минути во СВР Тетово пријавено е дека пред влезот на Ургентен центар во тетовската Клиничка болница било пукано во две лица од тетовското село Гајре, кои се здобиле со прострелни рани.

Служби на СВР Тетово и јавен обвинител се на лице место и се преземаат мерки за пронаоѓање на пет лица, кои се сомничат во врска со случајот.

Инаку, на овој случај денеска, исто така, му претходела физичка пресметка помеѓу еден од ранетите и еден од осомничените за учество во пукањето. Се работи на расчистување на случајот, соопштуваат од МВР.