Груевски со честитка по повод 11 Октомври: Македонија ќе ги надживее и овие сатрапи, како што ги надживеа и оние кои исто така се чуствуваа и однесуваа во 1941 година!
Поранешниот Премиер и Претседател на ВМРО-ДПМНЕ, Никола Груевски, упати честитка по повод 11 Октомври, нагласувајќи дека неоспорно народот ќе си ја врати моќта.
Еве го неговиот статус:
„Нека е честит 11 Октомври денот на народното востание и почеток на антифашистичката борба !
Понекогаш помислувам дека треба да ни се случи нешто, како актуелните настани поврзани со толкувањето на историјата (и обидите за) нејзина промена па одредени настани, личности и датуми повеќе да ги разбираме, чувствуваме, вреднуваме и почитуваме!
Но кога ќе се присетам дека грешките ги повторуваме, постојано и постојано, упорно и тврдоглаво, си мислам дека сеуште не сме доволно зрели. Барем оние кои во моментот се мислат дека се најзрели само затоа што имаат приграбено моќ…со рок на траење. Едно зборат во пригодните говори, фб статуси и соопштенија, друго прават во реалноста. Штом народот ќе си ја врати моќта…ќе созреат! Само штетата и жртвите во меѓувреме да се поблаги и помали.
Македонија ќе ги надживее и овие сатрпи, како што ги надживеа и оние кои исто така се чуствуваа и однесуваа во 1941 година!
Нека е вечен празникот и нека е вечна Македонија“, напиша тој.
