Руската војска најави напредок околу клучниот град Мариупол во југоисточна Украина и постојано тврди дека не цели цивилни области за време на инвазијата.
„Единиците на вооружените сили на Народната република Доњецк го намалија опкружувањето на градот Мариупол, а исто така ја презедоа контролата врз населбите Виноградноје, Сартака и Водјаноје“, изјави генерал-мајор Игор Конашенков на видео брифинг.
Вчера градоначалникот на Мариупол рече дека руските и руските сепаратистички сили го опколиле градот и дека гранатирањето ги погодило неговите 400.000 жители.
На друго место во Украина, руската војска објави дека цивилите во градот Бородинка, во регионот на Киев, би можеле да излезат преку одреден коридор во правец на Берестијанка.
Руската војска, исто така, го потврди она што го опиша како „далечен удар со висока прецизност“ во регионот Лиса Хора во Киев, тврдејќи дека бил насочен кон радио-телевизиски центар, наводно, користен од Службата за државна безбедност на Украина за „психолошки операции против Русија. Нема жртви или оштетувања на станбени згради, се вели во соопштението.
Русија рутински негира дека предизвикала цивилни жртви во Украина. Меѓународните медиуми и набљудувачи опширно документираа цивилни жртви и оштетување на цивилната инфраструктура.