Рускиот претседател Владимир Путин потпиша указ за кривична и финансиска казна за лажни вести за активностите на руските вооружени сили и повици за антируски санкции.
Јавното објавување и ширење на лажни соопштенија за активностите на руската армија ќе се казни со парична казна во опсег од 700.000 – 1.500.000 рубљи (од 5.000 до 11.000 евра) или во висина на плата или друг приход на осуденото лице во рок од 18 месеци или општокорисна работа од една година или принудна работа до три години или затвор за истиот рок.
Во случај на ширење лажни информации за руската армија од страна на функционери, организирани групи со лажни докази или мотивирани од омраза и непријателство, се предвидува затворска казна од 5-10 години или административна парична казна од три до пет милиони рубли (22.000 до 37.000 евра) или принудна работа во рок од пет години.
Лажните вести кои ќе доведат до тешки последици се казнуваат од 10-15 години.
Тој го потпиша и Законот за санкции за кршење на правата на руските граѓани, кој се однесува на сите страни и лица без руско државјанство.