Србите во шок, Вучиќ ги тера децата да учат арапски броеви

На социјалните мрежи кружи видео од анкета на која граѓаните на Србија одговараат на прашањето „Како ја коментирате одлуката на Александар Вучиќ децата да учат арапски броеви поради Сиријците“?

Анкетата е спроведена минатата година, а видеото деновиве стана вирално.

„Ужас, жими сè! Тоа е навистина непотребно“, и „нашите деца се веќе преоптеретени со многу глупости, уште арапски броеви им фалат“, се дел од коментарите.

Тажното е тоа што луѓето всушност не знаат што се арапски броеви, едниот од коментарите е дека порано не сме ги учеле арапските броеви на училиште.

Погледнете го видеото.