Пренџов: Новинарите не смеат да бидат замолчувани

Како пратеник во Собранието на Р. Македонија жестоко ќе се борам против било какви обвиненија против било кој новинар засновани на тоа, што и како објавил новинарот. Секоја држава има строго доверливи информации. Истите ги чуваат строго доверливи службеници.

Во ситуација во која службите и обвинителството ни се како “швајцарско сирење”, односно информации излегуваат на дневна основа…ОЈО одлучува да гони новинар кој само го објавил она, кое други, злоупотребувајќи ја службената положба и овластуања го изнеле од своето работно место. Не можат меѓу своите, удри по новинарите. Не можеш по магарето, удри по самарот.

Новинарот е должен да објави сè што смета дека е во сферата на јавен интерес. Така е во секоја демократија, така ќе биде и кај нас.

Ова само зборува, какви псевдоевропјани управуваат со витални институции?!