Утре свечен пречек на од чудотворната икона на Пресвета Богородица – Скоропослушница од светогорскиот манастир Дохијар

Во сабота, на 5 април 2025 година, во село Побожје, Скопско, ќе биде донесен препис од чудотворната икона на Пресвета Богородица – Скоропослушница од светогорскиот манастир Дохијар, информираат од Скопската епархија.

Свечениот пречек на иконата ќе биде во 16:00 часот, пред манастирот „Рождество на Пресвета Богородица“, над селото Побожје.

Потоа ќе биде отслужена Воскресна вечерна богослужба, со која ќе началствува Неговото Блаженство Архиепископ Охридски и Македонски г. г. Стефан, во сослужение со свештенослужители на Скопската епархија.