Одбраната на Палчо тврди дека за време на грабнувањето и убистото на Вања тој бил во банка

Со приложување уплатница од банка во Скопје, адвокатите на првообвинетиот Љубчо Палевски на денешното рочиште за убиството на Вања Ѓорчевска и Панче Жежовски се обидоа на својот клиент да му претстават алиби за времето на убиството на Вања. Палевски и неговите бранители тврдат дека за време на киднапирањето и убиството бил во банка каде долго чекал да изврши уплата.

Одбраната побара судот да обезбеди видео снимка од банката за да ги поткрепи овие тврдења, а судијата Ивица Стефановски го прифати барањето. На денешната седница исказ даде и сведокот на одбраната, полициски службеник од Полициската станица Велес, кој во својот исказ рече дека при претресот на куќата на осомничениот Боре Видевски пронајдено е оружје и муниција, но не и оружјето за кое имал дозвола.