Текводно тренер од Косово ѝ удри шлаканица на ќерката затоа што загуби од Србинка

По снимката на која таеквондо тренерот ѝ удира шлаканица на осумгодишната натпреварувачка од Косово која загуби од Србинката Нина Савиќ во финалето на турнирот во Тирана, тренерот Ваљмир Фетиу се огласи за Клан Косова, кој откри дека тоа е неговата ќерка Валина – ја удрил, не затоа што изгубила од Србинка, туку затоа што била „дезориентирана и неспособна“.

“Таа е моја ќерка и никој не ја сака повеќе од мене. Во моментот кога девојчето беше дезориентирано и луто што загуби од српскиот натпреварувач, лежеше на земја не можејќи да го прифати поразот. Едноставно сакав да ја смирам, знаејќи дека и покрај поразот таа е вицешампион и дека ќе има други можности“, рече Фетиу.

Тој рече дека медиумите во Косово „паднале на српската пропаганда“.

„Медиумите во Косово паднаа на српска пропаганда затоа што се обидоа да му дадат поинаков правец на тој момент. Повторувам, јас сум ѝ татко, жена ми, мајката на Валина беше таму, на неколку метри. Ниту еден Србин или Бошњак не може да ја сака мојата ќерка повеќе од нејзините родители. 12 месеци работам со Валина за овој натпревар и ќе работам за неа цел живот“, рече тој.