ЗЛАТНИ ЈУНИОРИ – прво злато за македонската кошарка, победнички испеана македонската химна од грлата на македонските кошаркари (ВИДЕО)
Низ сите мечеви, а особено денеска во финалето, главен лидер на тимот беше Никола Јаничиќ. Постигна 30 поени и сосема заслужено се закити со признанието МВП, најдобар играч на првенството. Во идеалната петорка, покрај него, е избран и Марко Луканоски
Јуниорската репрезентација на Македонија се закити со титулата на Европското Првенство – Б дивизија што се одржа во Скопје, откако победничка серија ја продолжија и на денешното финале против Австрија, триумфирајќи со конечни 98-88.
Со победата, оваа генерација кошаркари по две години пак се враќа во европската елита.
За младинските селекции на Македонија ова беше четврто финале во натпреварувањата од „Б“ дивизијата и прв трофеј.
Во чест на успехот се интонираше македонската химна „Денес над Македонија“ во СЦ „Борис Трајковски“ која одекна од нашите кошаркари кои ја испеаја во еден глас
Comments are closed, but trackbacks and pingbacks are open.