Ненад Јовановиќ, еден од најголемите апологети на СДСМ, Трамп го нарече измамник и социопат, кој треба да добие Оскар за хистерија и пропаганда
Трамп е измамник и социопат. Ваква лоша режија одамна не сум видел. Наеднаш сета безбедност се насобра околу него, а тој демек погоден со куршум во увото, крева тупаница и салутира: “Борба” “Борба” “Борба”, а во микрофон вели, “Чекајте, чевелот да си го земам”, напиша на својот фејбук профил Ненад Јовановиќ, еден од најголемите апологети на СДСМ.
Сите спин-доктори на твитер му бустираат рејтинг: Маск, Карлсон итн. итн. Наеднаш се појавуваат сведоци со изјави, “пукнаа од тамо”, или “не, ми се чини дека пукнаа од онаму”, или “видов човек, легнат, со снајпер” и бла, бла, бла.
Трамп е жив и здрав, не берете гајле. Треба да добие оскар за хистерија и пропаганда.
Но, денеска соросоидот Јовановиќ се корегираше, па напиша:
Од она што синојка го гледав “во живо”, признавам дека СТРАШНО сум погрешил во мојот коментар, а исто така признавам дека овој обид за атентат врз Трамп ми кажува нешто СТРАШНО и за атмосферата во САД.
Ама и неверојатно ми е сознанието дека има шанса повторно да биде претседател на најмоќната земја на светот.
