ВИДЕО: Тешка сообраќајка пред влезот на Клинички – Смачкани автомобили, активирани воздушните перничиња

Тешка сообраќајна несреќа вчера вечер се случи на булеварот „Мајка Тереза“, пред влезот на Клиничкиот центар.

Според информациите на Курир од терен, во несреќата учествувале неколку возила.

Неофицијално, судирот се случил меѓу два автомобили, по што оштетени биле и паркирани возила.

Првично и неофицијално, неколку лица се пожалиле на полесни повреди, но засега нема официјална потврда.

Од МВР за Курир првично потврдија дека е пријавена сообраќајна несреќа меѓу две возила кои верижно по судирот удриле во други две возила.

Повеќе детали се очекуваат по завршување на увидот.